काठमाडौं – अभिनय क्षेत्रमा नयाँ प्रतिभा खोजी गर्ने उद्देश्यले आयोजना हुन लागेको रियालिटी शो ‘एक्टिङ स्टार’को निर्णायक समूह सार्वजनिक गरिएको छ । यस शोका निर्णायकमा नेपाली चलचित्र क्षेत्रका चर्चित कलाकारहरू निर शाह, अनुप बराल र ऋचा शर्मा रहेका छन् ।
केही महिनाअघि डिजिटल माध्यमबाट अडिसन लिइएको यस शोमा देशभरबाट हजारौँले आफ्नो प्रतिभा प्रस्तुत गरेका थिए । यस शोले अभिनय क्षेत्रमा आफ्नो भविष्य बनाउन चाहनेहरूका लागि एउटा मञ्च प्रदान गर्ने उद्देश्य राखिएको छ ।
एपिवान टेलिभिजनमा यो शो प्रसारित हुनेछ भने ओएस आर डिजिटलले यस शोको डिजिटल अधिकार खरिद गरेको छ । यसका विजेताले नगद पुरस्कारसँगै फिचर चलचित्रमा अभिनय गर्ने अवसर प्राप्त गर्नेछन् ।
शोको निर्देशन ‘कमेडी च्याम्पियन’का निर्देशक विशाल भण्डारीले गरिरहेका छन् ।