‘नजरमा नजर’मा पल शाह र खुशी कार्की

काठमाडौं – गीतकार हरिभक्त बुढाथोकीको नयाँ गीत ‘नजरमा नजर’ (नजरमा नजर लाग्ला नि-२) सार्वजनिक भएको छ । प्रेमिल भावनाले भरिएको यो गीतमा टेक बिसी र सिम्रन परियारको स्वर, भीम बिसीको सङ्गीत, केशव बाबुको एरेन्ज र श्यामश्वेत रसाइलीको मिक्सिङ रहेको छ ।

गीतको भिडियोमा कलाकार पल शाह र खुशी कार्कीलाई फिचरिङ गरिएको छ । काजिश श्रेष्ठको निर्देशन र कोरियोग्राफी रहेको यो भिडियोमा पल र खुशीको रोमान्टिक जोडीलाई देख्न सकिन्छ । गीतमा अर्जुन तिवारीको छायाङ्कन र मिलन विश्वकर्माको सम्पादन रहेको छ ।

गीतको शब्द, सङ्गीत र भिडियोले दर्शकलाई प्रेमको मज्जा दिने विश्वास गीतकार बुढाथोकीले गरेका छन् । गीतको भिडियोलाई उनको आधिकारिक युट्युब च्यानलमार्फत सार्वजनिक गरिएको छ ।

भिडियो: