काठमाडौं – ग्रिन प्यारोट्स फिल्म प्रोडक्सन प्रालिको ब्यानरमा निर्माण हुन लागेको चलचित्र ‘प्रेम गीता’को छायाङ्कन सोमबारदेखि काभ्रेको पाँचखालमा सुरु भएको छ । राजेन्द्र बस्नेतको निर्देशनमा बन्न लागेको यो चलचित्र उनको डेब्यु निर्देशन हो ।
चलचित्रको छायाङ्कन काठमाडौं र काभ्रे आसपासमा २५ दिनसम्म चल्नेछ । चलचित्रमा सुशील पोखरेल, जाह्नवी बस्नेत, साजिद खान, आशा पौडेल, अर्जुन गुरुङ (भँगेरी डन), दीपक केसी, खुश्बु पाण्डे, माधव केसी, मानसी शर्मा, दीपशन लिम्बु, मौसम खड्का र ममता माझी लगायतका कलाकारहरूको अभिनय रहनेछ ।
मौनता श्रेष्ठले लेखेको यो चलचित्रमा रामेश्वर हुमागाईँको छायाङ्कन, भरत बस्नेतको सङ्गीत, राजु किराँतको द्वन्द्व, रामजी लामिछानेको कोरियोग्राफी र रवि केसीको शृङ्गार रहेको छ । विनयराज पौडेल यस चलचित्रका मुख्य सहायक निर्देशक हुन् ।
साजिद खानले प्रस्तुत गरेको यो चलचित्रका निर्माता अयाज अलि खान हुन् ।