काठमाडौं – गायक शिव परियारको स्वरमा रहेको नयाँ गीत ‘तिमीलाई अझै धर्म लाग्छ’ सार्वजनिक भएको छ । जी. एम. दिपु दीपेन्द्रको युट्युब च्यानलमार्फत सार्वजनिक भएको यस गीतले प्रेमीहरूबीचको माया, प्रेम र शङ्काका उतारचढावलाई मार्मिक ढङ्गले चित्रण गरेको छ ।
सञ्चारकर्मी समेत रहेकी त्रिसा केसीको निर्देशनमा तयार पारिएको यस गीतको शब्द जी. एम. दिपु दीपेन्द्रले लेखेका हुन् भने सङ्गीत, मिक्सिङ र मास्टरिङ राजकुमार बगरले गरेका छन् । मुकेश हुमागाईँ र टिमले छायाङ्कन गरेको यस गीतको सम्पादन र कलरिङ मीन रावलले गरेका हुन् ।
गीतको भिडियोमा नायिका आश्मा गिरि र मोडल अनुप जङ्ग थापा (विचित्र)ले मुख्य भूमिका निभाएका छन् । बाल कलाकार लिजन बराइली र श्रीजन सुनारले पनि यस गीतमा अभिनय गरेका छन् ।
भिडियो: