काठमाडौं – क्रिसमस विशेष गीत ‘येशु जन्मिनुभयो’ सार्वजनिक गरिएको छ । बुधवार काठमाडौंमा आयोजित एक कार्यक्रमकाबीच गीत सार्वजनिक गरिएको हो । यो गीतमा शङ्कर थापा (स्माइल) र अनु चौधरीको स्वर रहेको छ भने राजु सुन्दास र सुरेन्द्र दियालीले गीतका शब्द रचना गरेका हुन् । सङ्गीत गायक शङ्कर थापा (स्माइल)ले नै तयार पारेका हुन् ।
कार्यक्रममा गीतको भिडिओ प्रिमियर पनि गरिएको थियो । गणेश शाहीले निर्देशन गरेको भिडिओमा कलाकार अभिषेक श्रेष्ठ, बिना राउत, र समाजसेवी तथा कलाकार हन्ना बादीको अभिनय देख्न सकिन्छ । भिडिओको छायाङ्कन सम्पादन विष्णु खड्काले गरेका छन् । भिडिओले क्रिसमस पर्वलाई उल्लासका साथ मनाउन प्रेरित गर्ने सन्देश बोकेको छ ।
गीतकार तथा निर्माता राजु सुन्दासले गीतलाई सफल बनाउन अहिलेसम्म सहयोग गर्ने सबैलाई धन्यवाद ज्ञापन गरे । गायक शङ्कर थापा (स्माइल)ले करिब दुई हजार गीत गाए पनि यस प्रकारको गीत पहिलो पटक गाउन पाएको अनुभव सुनाए ।
भिडिओ: