काठमाडौं – र्यापर हाकिम र गायक ब्रिजेश श्रेष्ठको संयुक्त प्रस्तुतिमा तयार भएको र्याप गीत ‘चिसो चिसो हावाले’ काठमाडौंको विश्वज्योती सिनेप्लेक्समा आयोजित कार्यक्रममार्फत सार्वजनिक गरिएको छ । गायक श्रेष्ठले तयार पारेको अडियोमा त्रिकोणात्मक प्रेमलाई चित्रण गरिएको छ ।
गायक श्रेष्ठले गीतको परिकल्पना मध्यरातमा गरेको बताए । उनले अडियो र भिडियो दुवै सशक्त बनाउन मेहनत गरेको जनाए । गीतको अडियो गायक श्रेष्ठले तयार गरेका हुन् भने भिडियोमा गायक श्रेष्ठ, र्यापर हाकिम, मोडल युकी, एलिस बाहादुर सिंहलगायतले अभिनय गरेका छन्।
र्यापर गिरीश खतिवडाले र्याप सङ्गीतको प्रगतिमा खुसी व्यक्त गर्दै यस्तो कार्यक्रमले सहकार्य र रचनात्मकता बढाउने बताए । हाकिमले र्यापरहरूबीच आत्मीयता र सहकार्यको वातावरण बनाउन यस्ता कार्यक्रम उपयोगी हुने बताए ।
गीतको निर्देशन र छायाङ्कन विवेक मगरले गरेका हुन् भने भिडियो नेस स्टुडियोमार्फत सार्वजनिक गरिएको छ । हाकिमका ‘राक्षस’ र ब्रिजेशका ‘रङ्ग’, ‘ओ मैचा’ जस्ता गीतहरू लोकप्रिय छन् । यो गीतले पनि श्रोताहरूको मन जित्ने अपेक्षा गरिएको छ ।
गीत: