आइकनिक स्टार अल्लु अर्जुन अभिनीत बहु प्रतीक्षित भारतीय चलचित्र ‘पुष्पा २: द रुल’ ले प्रेक्षकहरूमा ठूलो उत्साह सिर्जना गरिरहेको छ । आगामी साताबाट रिलिज हुने तयारीमा रहेको यस चलचित्रको रनटाइमले पनि चर्चा पाएको छ । भारतीय मिडियाको पछिल्लो रिपोर्टका अनुसार, यो चलचित्रको रनटाइम पहिलो भागभन्दा लामो हुने पुष्टि भएको छ ।
‘पुष्पा २: द रुल’ ले एसएस राजामौलीको सुपरहिट चलचित्र ‘आरआरआर’ को रनटाइमलाई समेत उछिन्ने भएको छ । 123telugu.com का अनुसार, यो चलचित्रको रनटाइम ३ घण्टा २१ मिनेट हुने बताइएको छ । यदि यो जानकारी सही हो भने, ‘पुष्पा २: द रुल’ पछिल्ला १५ वर्षमा बनेका सबैभन्दा लामो तेलुगु चलचित्र बन्नेछ ।
‘पुष्पा’ को पहिलो भागले देशभर मात्र नभई अन्तर्राष्ट्रिय स्तरमा पनि लोकप्रियता कमाएको थियो । यसपटक ‘पुष्पा २: द रुल’ ले त्यसको ख्यातिलाई अझै अगाडि बढाउने अपेक्षा गरिएको छ ।
यो चलचित्र नेपालमा पनि रिलिज हुँदैछ ।