काठमाडौं – सारथि म्युजिकले ‘बिर्से हुन्छ मलाई’ शीर्षकको नयाँ लोकदोहोरी गीत सार्वजनिक गरेको छ । कस्तुप पन्त र शान्तिश्री परियारको स्वरमा रहेको यस गीतमा कस्तुप पन्तकै शब्द र सङ्गीत समावेश छ । गीतले प्रेममा धोका खाएका पति-पत्नीको मनोभावलाई प्रस्तुत गरेको छ, जहाँ एक अर्कामा आरोप-प्रत्यारोप गरिरहेका छन् ।
यसको भिडियोमा पत्नीले बच्चा जन्माउने कुरा गर्दा आर्थिक अवस्थाका कारण श्रीमानले असमर्थता जनाएका छन्, भने श्रीमानले पत्नीले आफूमाथि शङ्का गरेको आरोप लगाएका छन् । भिडियोमा ज्ञानु नेपाली र यशु भट्टराईले अभिनय गरेका छन् । रेसम दर्लामीको छायाङ्कन, अमृत चापागाईँको सम्पादन तथा रङ्ग संयोजन, र सिर्जन बरालको निर्देशन रहेको छ ।
कस्तुप पन्त नेपाली सङ्गीत क्षेत्रका प्रतिभाशाली गायक, सङ्गीतकार तथा गीतकार हुन् । उनले लोकदोहोरी र सुगम सङ्गीतमा थुप्रै लोकप्रिय गीतहरू सिर्जना गरेका छन् । उनका केही चर्चित गीतहरूमा ‘बिजुली चमक्क’, ‘मगमग वासना’, ‘धेरै माया’, ‘के भनौँ र खोइ’, ‘अङ्गुर अमिलो’, ‘बिर्सियौ कि कुन्नि’, ‘देउरालीमा धजा’, ‘फूलको थुङ्गा’, ‘खोली बगर’, ‘गङ्गा जीको पानी’, ‘समाजको बन्धन’, ‘मायाले मन छुन्छ’, ‘उकाली ओराली धाइयो’, ‘मन्दिरमा गजुर’, ‘सिलौटोमा चटनी’ आदि समावेश छन् ।
गीत हेर्नुहोस्: