काठमाडौं – अभिनेता सुशान्त कार्की र मोडल तथा अभिनेत्री गरिमा शर्माको भावपूर्ण अभिनय रहेको म्युजिक भिडियो ‘आधा मुटु’ सार्वजनिक भएको छ । यस गीतले एक जोडीको प्रेम, विवाह र सम्बन्ध विच्छेदको कथा बोल्छ ।
शान्तिश्री परियार र नेत्र भण्डारीको आवाजमा रहेको यस गीतलाई रमेश परियारले शब्द लेखेका छन् भने नेत्र भण्डारीले सङ्गीत भरेका छन् । कृष्ण केसीको एरेञ्जमेन्टमा तयार भएको यो गीत रिजन नेपालको युट्युब च्यानलमार्फत प्रस्तुत गरिएको छ ।
भिडियोको निर्देशन, कथा र पटकथा जेरी भण्डारीको कुशल सिर्जना हो, जसलाई नवराज उप्रेतीले छायाङ्कन गरेका छन् ।
भिडियो: