काठमाडौं – नेपाली चलचित्र ‘रङ्गी’को मध्यपूर्वका देशहरू र मलेसिया क्षेत्रका लागि प्रदर्शन अधिकार बिक्री भएको छ ।आशिष इन्टरटेनमेन्टले मध्यपूर्व र मलेसियाका अधिकार खरिद गरेको हो ।
सुरेश न्यौपानेको निर्देशनमा बनेको यो चलचित्रमा सलोन बस्नेत, नम्रता श्रेष्ठ, दिलीप रायमाझी, आयुषी ढकाल, उत्तम केसी, सुमिन गुरुङ, र विशाल पहारीको अभिनय रहेको छ । सक्षम सुवेदीको निर्माण रहेको ‘रङ्गी’ मा सुमन गजमेरको लेखन, सौरभ लामाको छायाङ्कन, दुर्गेश थापा, आमेश भण्डारी र भीम बिसीको सङ्गीत, कविराज गहतराज र शिशिर खातीको कोरियोग्राफी रहेको छ ।
सान्भी इन्टरटेनमेन्ट प्रा.लि.को ब्यानरमा निर्माण भएको यस चलचित्रका प्रस्तुत कर्ता सलोन बस्नेत हुन् ।