काठमाडौं । साङ्गीतिक लघु चलचित्र ‘महाकाली’ सार्वजनिक भएसँगै यसको भिडियोलाई लिएर चर्चा भइरहेको छ । शिव र पार्वतीको पौराणिक कथा प्रस्तुत गरेको यस साङ्गीतिकमा श्रीधरको सङ्गीतमा एलिना चौहान र श्रीधर अधिकारीको गायन छ भने सङ्गीत श्रीधरले दिएका छन् ।
यसको लेखन, निर्माण तथा अभिनय नव्याश्रीले गरेकी छन् । बाल्यकालदेखि नै अभिनयमा लगाव राख्ने नव्याश्रीले यसमा काली र पार्वती दुवैको भूमिका निर्वाह गरेकी छन् । लोमश शिवको भूमिकामा देखिएका छन् भने राजकुमार थापा र प्रकाश कँडेलको पनि अभिनय छ । नव्याश्री भारतको दार्जिलिङकी बासिन्दा हुन् । उनले १४ वर्षको उमेरमा ‘प्लानेट मिस इन्डिया वर्ल्ड २०१८’ को उपाधि जितेकी थिइन् ।
रामजी राउत एसोसिएट निर्देशक रहेको यसमा सुरेश पाण्डेको कोरियोग्राफी, श्रीकृष्ण श्रेष्ठको भिएफएक्स, मदन कश्यप घिमिरेको छायाङ्कन र भूपेन्द्र अधिकारीको सम्पादन छ ।
भिडियो: