‘हरि बहादुरको जुत्ता’मा स्वस्तिमा खड्का अनुबन्धित

काठमाडौं । दिपेन्द्र के. खनालको निर्देशनमा बन्ने निर्माणाधीन नेपाली चलचित्र ‘हरि बहादुरको जुत्ता’मा अभिनेत्री स्वस्तिमा खड्का अनुबन्धित भएकी छिन् ।

पछिल्लो समयकी सफल अभिनेत्री खड्का यस चलचित्रमा हरिवंश आचार्य र प्रकाश सपुतसँग अभिनय गर्नेछिन् । प्रकाश र स्वस्तिमाको यो लगातार दोस्रो सहकार्य हो । यसअघि उनीहरू प्रकाशकै निर्देशनमा तयार हुँदै गरेको चलचित्र ‘वसन्त’ मा पनि सँगै देखिएका छन् ।

चलचित्र ‘हरि बहादुरको जुत्ता’लाई सरोज ओलीले निर्माण गर्दैछन् । हरिवंश आचार्यकै कथा रहेको यो चलचित्र छिट्टै छायाङ्कनमा जाने तयारीमा छ ।