काठमाडौं । मङ्सिर ७ गते रिलिज हुने नेपाली चलचित्र ‘तेल भिसा’को ट्रेलर सार्वजनिक भएको छ । शुक्रवार काठमाडौंमा आयोजित एक कार्यक्रमका बीच सार्वजनिक गरिएको ३ मिनेट ३८ सेकेन्ड लामो ट्रेलरले चलचित्र कथावस्तुबारे झलक दिन्छ ।
ट्रेलरले नेपालबाट अमेरिका पुगेकी आमाले सामना गर्नुपरेको कानुनी जटिलतामा आधारित फिल्मको कथा प्रस्तुत गरेको छ । यस चलचित्रमा अभिनेता विपिन कार्कीले बाबु र छोराको दोहोरो भूमिका निभाएका छन् ।
चलचित्रको लेखन र निर्देशन शङ्कर घिमिरेले गरेका छन् । सुशन प्रजापतिको छायाङ्कन रहेको चलचित्रमा विपिन र पूजासहित वर्षा राउत, ऋचा घिमिरे, बुद्धि तामाङ, र सुचित्रा उप्रेतीले अभिनय गरेका छन् भने केही अमेरिकी कलाकारहरूको पनि सहभागिता छ ।
प्रस्तुत कर्ता ऋचा घिमिरे रहेको यस चलचित्रका निर्माता अनिल पाण्डे र शिवराज कार्की हुन् भने प्रिन्स युवराज कार्की र श्रुति दाहाल कार्यकारी निर्माता छन् ।
ट्रेलर: