काठमाडौं । नेपाली चलचित्र ‘मिसिङः केटी हराएको सूचना’ आउँदो कार्तिक ३० गतेदेखि नेपालमा प्रदर्शनमा आउँदै छ । रिलिज नजिकिएको समयमा यस चलचित्रको गीत ‘सपनीमा’को छायाङ्कन बुधवारदेखि सुरु भएको छ । गीतमा इन्दिरा जोशी र करण परियारको स्वर रहेको छ भने करुण थापाले यस गीतमा शब्द र सङ्गीत भरेका छन् ।
प्रमुख कलाकारहरू नाजिर हुसेन र सृष्टि श्रेष्ठले यस गीतमा अभिनय गरिरहेका छन् । मानकृष्ण महर्जनको छायाङ्कनमा तयार भइरहेको भिडियोमा रामजी लामिछानेको कोरियोग्राफी छ । भिडियोको छायाङ्कन बिहीबारसम्म जारी रहनेछ ।
दीपेन्द्र गौचनले निर्देशन गरेको यस चलचित्रलाई ट्राई सिटी पिक्चर्सले प्रस्तुत गरेको हो ।यसमा नाजिर हुसेन, सृष्टि श्रेष्ठसँगै सञ्जय गुप्ता, रामनारायण ठाकुर, मदन ठाकुर, रिना रिमाल, कौशल्या ठाकुर, ललितादेवी मिश्र, रुपेश मण्डल, सुदीप पटेल, अनिल कुर्मी, मनोज शाह, अर्जुन पोखरेल, ओमप्रकाश कर्ण लगायतका कलाकारहरूको अभिनय रहेको छ । विशेष भूमिकामा अमितेS शाह देखिनेछन् ।