काठमाडौं। साहित्यकार इन्द्रबहादुर राईको कथामा आधारित नेपाली चलचित्र ‘जार’ को टिजर सार्वजनिक गरिएको छ। यस चलचित्रमा नेपाली अभिनेता द्वय अनुपविक्रम शाही, र सौगात मल्लले शीर्ष भूमिका निभाएका छन् भने भारतको राष्ट्रिय चलचित्र पुरस्कार जितेकी अभिनेत्री गीताञ्जली थापा पनि प्रमुख पात्र हुन्।
थापाले भारतको चलचित्र ‘लायर्स डाइस’ भारतको राष्ट्रिय चलचित्र पुरस्कार जितेकी छन् भने टोरन्टो, बुसान, लस एन्जलस र न्युयोर्क अन्तर्राष्ट्रिय चलचित्र महोत्सवहरूमा आफ्नो पहिचान स्थापित गरिसकेकी छन्। उनले सन् २०१० मा ‘टीना की चाबी’ फिल्मबाट अभिनयमा डेब्यु गरेकी थिइन् भने नेटफ्लिक्सको चर्चित सिरिज ‘सेक्रेड गेम्स’को पहिलो सिजनमा नायानिका सेहेगलको भूमिका निभाएकी थिइन्।
यो चलचित्र भारतको सिक्किममा छायाङ्कन गरिएको छ। यसका निर्देशक फूर्वा छिरिङ लामा हुन् भने फेरी टेल पिक्चर्सले निर्माण गरेको हो। यसको प्रदर्शन मिति भने सार्वजनिक गरिएको छैन।
टिजरः