काठमाडौं। रामजी ज्ञवालीको लेखन तथा निर्देशनमा बनेको लघु चलचित्र ‘लापत्ता सन्तान’ युट्युबमा सार्वजनिक भएको छ। ओएसआर डिजिटलमार्फत सार्वजनिक गरिएको यो चलचित्रले सन्तानको भविष्य र खुसीका लागि आमाबुबाले गर्ने अपार त्याग र त्यसपछि आफ्नै सन्तानबाट टाढा हुन पुगेकी आमाको पीडादायी अवस्थालाई मार्मिक रूपमा प्रस्तुत गरेको छ।
चलचित्रमा एक आमाको कथा छ, जसले आफ्नो सन्तानलाई जीवनभर माया र संरक्षण दिएर हुर्काउँछिन्। तर वृद्धावस्थामा ती आमालाई आफैँको सन्तानबाट अलग राखी वृद्धाश्रममा बस्न बाध्य बनाइन्छ। यो चलचित्रले समाजमा वृद्धावस्थामा भएका आमाबुबाको अवस्थालाई उजागर गर्दै सन्तानप्रतिको उनीहरूको अपार माया र त्यसको प्रत्युत्तरमा प्राप्त गर्ने व्यवहारलाई सोच्न बाध्य पार्छ।
यसमा रश्मि भट्ट, अर्जुन आचार्य, ओजस्वी विक्रम विष्ट, आशिष पराजुली, सबिना राउत, निलम भट्ट, मनिष प्रीतम निरौला, र प्राञ्जल पौडेलजस्ता कलाकारहरूको सशक्त अभिनय रहेको छ।
‘लापत्ता सन्तान’ युट्युबमा सार्वजनिक भएसँगै दर्शकहरूबाट सकारात्मक प्रतिक्रिया प्राप्त गरिरहेको छ।
हेर्नुहोस् चलचित्र: