काठमाडौं। दसैँको फूलपातीको दिन असोज २४ गतेदेखि विश्वव्यापी रूपमा रिलिज भएको नेपाली चलचित्र ‘छक्का पञ्जा ५’ले सफलतापूर्वक प्रदर्शन गरिरहेको छ। यसैबीच, चलचित्रमा समावेश गरिएको गीत ‘यो माया बनाउने को हो’ शुक्रवार युट्युबमा सार्वजनिक भएको छ।
चलचित्रले नेपाली समाजका समसामयिक विषयहरूलाई व्यङ्ग्यात्मक शैलीमा प्रस्तुत गरेको छ। सार्वजनिक गरिएको गीतमा शम्भुजीत बास्कोटाको सङ्गीत, कृष्णहरि बरालका शब्द, र निशान भट्टराई तथा अस्मिता अधिकारीको स्वर रहेको छ। चलचित्रको कथा भित्र दीपकराज गिरी र वर्षा सिवाकोटीका पात्रहरू बीचको सम्बन्ध स्थापनामा यो गीतको प्रयोग गरिएको छ।
चलचित्रमा दीपकराज गिरी, केदार प्रसाद घिमिरे, वर्षा सिवाकोटी, राजाराम पौडेल, रमेश बुढाथोकी, प्रकाश घिमिरे, तेज गिरी, नरेन्द्र थापा, उत्तम केसी, ब्रजेश खनाल, हिउवाला गौतम, नवीन श्रेष्ठ, दमन रुपाखेती, लोकेन्द्र लेखक, र निर्मल शर्माको अभिनय देख्न सकिन्छ। यस शृङ्खलामा अभिनेता आर्यन सिग्देलले केमियो भूमिका निभाएका छन्।
चलचित्रको कथा र पटकथा दीपकराज गिरीले लेखेका हुन् भने संवाद दीपकराज गिरी, केदार प्रसाद घिमिरे, र दिलीप तामाङले तयार गरेका छन्। यस चलचित्रको निर्देशन दीपाश्री निरौलाले गरेकी हुन्।
गीत: