काठमाडौं। हरर कमेडी चलचित्र ‘फिरफिरे फिरिरी’ को अफिसियल पोस्टर सार्वजनिक भएको छ। बिन्दबासिनी क्रियसनको ब्यानरमा मनोज कुमार अधिकारीद्वारा निर्माण गरिएको यो चलचित्र कार्तिक २२ गते छठ पर्वको अवसरमा प्रदर्शनमा आउँदै छ।
सन्दीप श्रेष्ठ र नवीन भट्टको लेखनमा आधारित यस चलचित्रले दर्शकलाई पूर्ण मनोरञ्जन दिने विश्वास गरिएको छ। यसमा मनोज कुमार अधिकारी, सन्दीप श्रेष्ठ, भावना उप्रेती, रबिना केसी लगायतको अभिनय रहेको छ।
प्राविधिक पक्षमा जितु तामाङको छायाङ्कन, एलिस कार्कीको ब्याकग्राउण्ड म्युजिक, र अनन्त घिमिरेको सम्पादन रहेको छ। चलचित्रलाई आर.आर फिल्म्सले वितरण गर्नेछ।