काठमाडौं। हरर कमेडी जनरामा आधारित चलचित्र ‘फिरफिरे फिरिरि’को पहिलो गीत सार्वजनिक गरिएको छ। बिन्ध्यबासिनी क्रियसनको ब्यानरमा निर्माण गरिएको यस चलचित्रका निर्माता मनोज कुमार अधिकारी हुन्, जसले ‘नौ डाँडा पारी’ र ‘मङ्गलसूत्र’ जस्ता सफल चलचित्र निर्माण गरेका थिए। करिब १५ वर्षपछि पुनः चलचित्र निर्माणमा फर्किएका अधिकारीले यो प्रोजेक्टमार्फत आफ्नो उपस्थितिलाई पुनः चिनाएका छन्।
सार्वजनिक शीर्ष गीतमा प्रशान्त सिवाकोटीको शब्द र सङ्गीत रहेको छ भने स्वर भरत अधिकारी, प्रशान्त सिवाकोटी, टिकाराम श्रेष्ठ, र रोषा फुयाँलले दिएका छन्। गीतमा चलचित्रका प्रमुख पात्रहरू सबैलाई फिचर गरिएको छ। म्युजिक नेपालको अफिसियल युट्युब च्यानलमार्फत गीत सार्वजनिक गरिएको हो।
चलचित्रको लेखन सन्दीप श्रेष्ठ र नवीन भट्टले गरेका हुन्, जसले चलचित्रलाई पूर्ण मनोरञ्जन प्रदान गर्ने विश्वास निर्माण टिमले व्यक्त गरेको छ। यसै चलचित्रबाट सन्दीप श्रेष्ठ र भावना उप्रेतीले नेपाली फिल्म क्षेत्रमा डेब्यू गर्दैछन्। ‘फिरफिरे फिरिरि’ आगामी कार्तिक २२ गते छठ पर्वको अवसरमा प्रदर्शनमा आउनेछ। चलचित्रको पोस्टर अनन्त घिमिरेले डिजाइन गरेका हुन्।
मनोज कुमार अधिकारी, सन्दीप श्रेष्ठ, भावना उप्रेती, शङ्कर सेढाई, पिटर प्रिन्स, रबिना केसी, पुष्प अवस्थी, र सूर्यमान लिम्बु चलचित्रका मुख्य कलाकार हुन्। फिल्मको छायाङ्कन जितु तामाङले गरेका छन्, जबकि रोशन दास, प्रकाश दाहाल, र अग्नि सुबेदी सहायक निर्देशकको रूपमा कार्यरत छन्। केशव राज भट्टले कोरियोग्राफी, एलिस कार्कीले ब्याकग्राउन्ड म्युजिक, प्रशान्त सिवाकोटीले सङ्गीत निर्देशन, अमित श्रेष्ठले साउन्ड डिजाइन, र अनन्त घिमिरेले सम्पादन तथा कलर संयोजनको जिम्मेवारी सम्हालेका छन्।
गीत: