काठमाडौं। गायक, मोडल तथा युवा व्यवसायी दीपेन्द्र सोनामको स्वरमा रहेको नयाँ म्युजिक भिडियो ‘पर्खाई’ सार्वजनिक भएको छ। यस गीतमा शब्द रचना र सङ्गीत पनि दीपेन्द्र सोनामकै रहेको छ, जसले प्रेमको भावलाई प्रस्तुत गरेको छ।
म्युजिक भिडियोमा रिस्ता अधिकारी, सोनाम र नरेश लामिछानेको अभिनय देख्न सकिन्छ। भिडियोको छायाङ्कन उत्सव दाहालले गरेका हुन् भने विष्णु खड्काले सम्पादन, कलर, र पोस्टर डिजाइन गरेका हुन्। लक्ष्मी बर्देवा र जीवन भट्टराईको निर्देशनमा तयार पारिएको भिडियोको कथा पनि लक्ष्मी बर्देवाले लेखेकी हुन्।
‘पर्खाई’ म्युजिक भिडियो भवसागर इन्टरटेन्मेन्टको अफिसियल युट्युब च्यानलमार्फत सार्वजनिक गरिएको हो।
भिडियो: