‘यो मनको चाहना’ गीत सार्वजनिक

काठमाडौं। गायक सुरेश लामा र गायिका दीपा लामाको आवाजमा सजिएको ‘यो मनको चाहना’ बोलको नयाँ गीत शनिवार सार्वजनिक गरिएको छ।

गीतको शब्द डा. दामोदर रेग्मीले लेखेका हुन् भने सङ्गीत डी.बी. लामाले भरेका छन्। यस गीतको भिडियोमा चर्चित मोडेल तथा नायक प्रभात पल ठकुरी र मोडेल अप्सना बलामीले अभिनय गरेका छन्। भिडियोमा उनीहरूलाई एक अर्काप्रति प्रेमभाव व्यक्त गर्दै विभिन्न मनमोहक दृश्यहरूमा प्रस्तुत गरिएको छ।

भिडियोको निर्देशन र कन्सेप्ट उत्तम शिशिर श्रेष्ठले गरेका हुन् भने छायाङ्कन सिनेम्याटोग्राफर विशाल थापाले गरेका छन्। सुप्रिम पराजुलीले सम्पादन र कलरिङ गरेका छन्।

भिडियो: