काठमाडौं। चलचित्र ‘तेल भिसा’को दोस्रो गीत ‘तुकुनको मुकुन मन पर्या’ सार्वजनिक गरिएको छ। बिहीबार युट्युबमा सार्वजनिक गरिएको यो गीतमा अभिनेता विपिन कार्की, पुजा चन्द, बुद्धि तामाङ र जाहन्वी बस्नेतलाई फिचर गरिएको छ।
गीतमा सङ्गीतकार कृष्ण भारद्वाजको सङ्गीत, राजन इशानको एरेञ्ज, तथा निर्विकल्पम, कृष्ण भारद्वाज, शङ्कर अधिकारी घायल र नवीन बिकको शब्द समावेश छन्। शान्तिश्री परियार र साइराज खत्रीको स्वरले गीतलाई थप प्रभावशाली बनाएको छ। अडियो र भिडियो दुवै पक्ष उत्कृष्ट रहेको छ।
आगामी मङ्सिर ७ गतेबाट प्रदर्शनमा आउने तयारीमा रहेको यस चलचित्रलाई शङ्कर घिमिरेले लेखन तथा निर्देशन गरेका छन्। चलचित्रमा विपिन कार्कीको दोहोरो भूमिका रहेको छ, जसमा उनले वृद्ध र जवानको चरित्र निभाएका छन्। अन्य कलाकारहरूमा वर्षा राउत, पुजा चन्द, ऋचा घिमिरे, बुद्धि तामाङ, सुचित्रा उप्रेती र विदेशी कलाकारहरूको अभिनय छ।
चलचित्रलाई वेलडन क्रियसनको ब्यानरमा ऋचा घिमिरेले प्रस्तुत गरेकी छिन्। अनिल पाण्डे र शिवराज कार्की यस फिल्मका निर्माता हुन्, भने प्रिन्स युवराज कार्की र श्रुती दाहाल कार्यकारी निर्माताको रुपमा छन्। चलचित्रको छायाङ्कन सुशन प्रजापतिले गरेका छन्, कोरियोग्राफी रामजी लामिछाने र शिशिर खातीले सम्हालेका छन्, सङ्गीत आशिष अविरल, कल्याण सिंह र कृष्ण भारद्वाजले दिएका छन्, भने अजय खड्काले सम्पादन गरेका छन्।
गीत: