काठमाडौं। चलचित्र ‘ज्वाइँ साब’ को पहिलो गीत ‘कसम बत्तीको’ सार्वजनिक भएको छ। काठमाडौंमा आयोजना गरिएको कार्यक्रममा यो गीत सार्वजनिक गरिएको हो। गीतमा निशान भट्टराई र समीक्षा अधिकारीको स्वर, यादव लम्सालको शब्द, र अर्जुन पोखरेलको सङ्गीत रहेको छ। कोरियोग्राफर गम्भीर बिस्ट हुन्।
यो चलचित्रलाई वसन्त निरौलाले निर्देशन गरेका छन्। गीतको भिडियोमा मुख्य कलाकारहरू जितु नेपाल र नीति शाहले नृत्य गरेका छन्। भिडियो बिहेको परिवेशमा तयार पारिएको छ।
चलचित्र ‘ज्वाइँ साब’ दसैँको फूलपातीमा रिलिज हुनेछ। विजय बस्याल कार्यकारी निर्माता रहेको यस चलचित्रमा मिनादेवी खड्का, सौगात पण्डित र पदमलाल तामाङको लगानी रहेको छ।
चलचित्रमा राजकुमार पण्डितको प्रस्तुति रहेको छ र कलाकारहरूमा बुद्धि तामाङ, हिमेश पन्त, रमेश बुढाथोकी, निमा पाण्डे, शिशिर वाङ्देल, कविता आले लगायत धेरै अन्य छन्।
चलचित्रको सङ्गीत अर्जुन पोखरेल र महेश ताम्राकारले दिएका छन्। अन्य प्राविधिक पक्षमा सञ्जय थापाको एक्सन, श्याम तामाङको छायाङ्कन, र सन्देश शाहको सम्पादन समावेश छ। चलचित्र रेड आई फिल्म्सको प्रस्तुति र मौसम फिल्म्सको सहकार्यमा निर्माण भएको हो।
गीत: