‘तेल भिसा’को पहिलो लिरिकल गीत ‘हरि नाम झैँ’ सार्वजनिक

काठमाडौं – श्रीकृष्ण जन्माष्टमीको अवसर पारेर सोमबार नेपाली चलचित्र ‘तेल भिसा’को लिरिकल गीत ‘हरि नाम झैँ’ सार्वजनिक भएको छ।

गीतमा कल्याण सिंहको सङ्गीत र हर्क साउदको शब्द रहेको छ। निशान भट्टराई र समीरा थपलियाले स्वर दिएका गीतमा चलचित्रका मुख्य कलाकार विपिन कार्की, वर्षा राउत, पुजा चन्द, ऋचा घिमिरे, बुद्धि तामाङ, र सुचित्रा उप्रेती फिचर्ड छन्।

पिन कार्कीले दोहोरो भूमिका निभाएको यस फिल्ममा उनी जवान र वृद्ध दुई फरक अवतारमा देखिनेछन्। शङ्कर घिमिरेले निर्देशन गरेको यो चलचित्र मङ्सिर ७ गते रिलिज हुँदैछ।