काठमाडौंः गायिका कविता अर्यालको तीज विशेष गीत ‘तीजका गीत कस्ता बने’ शुक्रवार लोकार्पण गरिएको छ। ललितपुरको न्यु मिलेनियम स्कुलमा आयोजित कार्यक्रममा वरिष्ठ लोकगायक नारायण रायमाझी र प्रतिनिधि सभा सदस्य सोबिता गौतमले गीतको सामूहिक लोकार्पण गरे।
कार्यक्रममा गीतको भिडियो पनि प्रदर्शन गरियो। नारायण रायमाझीले गायिका अर्यालले मौलिकता झल्कने तीज गीत निर्माण गरेकोमा धन्यवाद दिए। सोबिता गौतमले तीज गीतले इतिहास समेटेको बताउँदै समाज परिवर्तनमा कलाकर्मीको भूमिका महत्त्वपूर्ण रहेको उल्लेख गरिन्।
गीत सार्वजनिक कार्यक्रममा राष्ट्रिय लोक सञ्चारकर्मी नेपालका अध्यक्ष चन्द्रमणि गौतम, चलचित्र पत्रकार सङ्घका उपाध्यक्ष कुबेर गिरी, र गीतका अन्य स्रष्टाहरूको उपस्थिति रहेको थियो।
गीतको भिडियो स्मृति तिमिल्सिनाको निर्देशनमा तयार गरिएको हो भने करण चैसिरले छायाङ्कन र नवीन घर्ती मगरले सम्पादन गरेका छन्। गीत गायिका अर्यालको युट्युब च्यानलमार्फत सार्वजनिक गरिएको छ।
गीतः