काठमाडौं। गायक अशोक अर्याल र गायिका शान्ति श्री परियारको स्वरमा रहेको नयाँ तीज गीत ‘अम्रिकामा घर’ हालै सार्वजनिक भएको छ। गायक अर्यालको आफ्नै युट्युब च्यानल ‘अशोका इन्टरटेनमेन्ट’ मार्फत गत सोमवार विश्व साङ्गीतिक बजारमा आएको यस तीज गीतले युट्युबमा करिब २ लाख भ्युज प्राप्त गरेको छ। साथै, गीतले फेसबुक रिल र टिकटकमा पनि उल्लेखनीय प्रतिक्रिया पाइरहेको छ।
गीतको शब्द लेखन राजेश पौडेल र डा. विष्णुमुर्ति भट्टराईले गरेका छन् भने सङ्गीत राजु अर्यालले दिएका छन्। गीतले अमेरिकामा कर्म घर बनाउँदै खुसी र सुखी जीवन बिताइरहेकी चेलीको अनुभवलाई शब्दहरू मार्फत प्रस्तुत गरेको छ।
अमेरिकाको नर्थ क्यारोलिना राज्यको कंकर्ड सिटीमा छायाङ्कन गरिएको यस गीतको भिडियोमा गायक अशोक अर्यालसहित प्रतिमा अर्याल, खेम भण्डारी, निर्मला भण्डारी, सरस्वती खनाल, विद्या शर्मा लगायतका स्थानीय कलाकारहरूको अभिनय देख्न सकिन्छ। शिव विकले निर्देशन गरेको यस भिडियोलाई पशुपति बस्यालले छायाङ्कन गरेका हुन् भने सम्पादन नवीन घर्ती मगरले गरेका छन्।
भिडियो: