गीता अधिकारीको तीज गीत ‘बजाउँदै चुरा’ सार्वजनिक

काठमाडौं। नेपाली नारीहरूको महान् पर्व तीजको अवसरमा गीतकार गीता अधिकारीको नयाँ तीज गीत ‘बजाउँदै चुरा’ सार्वजनिक भएको छ। गीतमा सारिका घिमिरेको स्वर, योगेश काजी शाहको सङ्गीत र मनोज परियारको मिक्सिङ/माष्टरिङ रहेको छ।

प्रदीपकुमार रसाइलीले निर्देशन गरेको यो गीतको भिडियोमा रमा थपलिया, प्रदीपकुमार रसाइली, मुना भुर्तेल र रेमोना लोहारको अभिनय रहेको छ। गीतकार अधिकारीले गीतको भिडियो सार्वजनिक भएपछि उत्साहित भएको बताउँदै, यो गीतले पनि सबैको माया पाउनेमा आफू आशावादी रहेको उल्लेख गरिन्।

निर्देशक प्रदीपकुमार रसाइलीले तीज गीतमा मौलिकता कायम राख्दै श्रोता/दर्शकलाई एक उत्कृष्ट तीज गीत पस्किएको बताए। भिडियो पिआर इन्टरनेन्टमेन्ट नेपाल युट्युब च्यानलमार्फत सार्वजनिक गरिएको छ।

भिडियो: