काठमाडौं। अर्जुन कुमारले निर्माण गर्ने नेपाली चलचित्र ‘सानो संसार’मा रहने एक गीतमा गायिका समीक्षा अधिकारीले स्वर दिएकी छन्।
प्रसून सङ्ग्रौला र विशाल पौडेलले सङ्गीत दिएको चलचित्रको शीर्ष गीतमा सरिस्मा खातीको शब्द रचना रहेको छ।
पारिवारिक कथावस्तुमा बन्ने बताइएको यो चलचित्रलाई सिद्धार्थ पुडासैनीले निर्देशन गर्नेछन्। यस चलचित्रमा सितादेवी तिमल्सिना, राज पङ्गेनी शर्मा, अनु दाहाल, अञ्जना रिसाल र शिशिर सिवाकोटीको शीर्ष भूमिका रहने छ। निर्माता अर्जुनले यसअघि ‘चपली हाइट’ सिरिजका तीन चलचित्र, ‘फाटेको जुत्ता’, ‘द युगदेखि युगसम्म’ लगायत निर्माण गरेका थिए।
यो चलचित्रको काठमाडौं र आसपासका क्षेत्रमा छायाङ्कन भइरहेको छ।