काठमाडौं। असार ७ गते रिलिज हुने कमल एक्चै मगरको निर्देशनमा बनेको नेपाली चलचित्र ‘शिरफूल’ को ट्रेलर सार्वजनिक गरिएको छ।
‘शिरफूल’ महिलाहरूले लगाउने एक प्रकारको गहना हो। नेपाली समाजमा छोरी चेलीलाई शिरको फूलको रूपमा लिने चलन भएकोले यो चलचित्रमा छोरीलाई बिम्बको रूपमा बुझाउन खोजिएको छ। चलचित्रमा अहिलेको बढ्दो आधुनिकताको प्रभावसँगै युवा पुस्तामा देखिएको सांस्कृतिक विकृतिलाई पनि चित्रण गर्ने प्रयास गरिएको छ।
यस चलचित्रमा रुपा राना, राज थापा, देवराज आले, विनीता थापा, सुनिल रोका, नमिता तामाङ, पुजा गदाल, लिला गुरुङ, निता पुन, किरण मगरलगायतको अभिनय रहेको छ।चलचित्रको पटकथा संवाद राज थापा र राजु युगिनले लेखेका हुन्। यो चलचित्रलाई आरआर फिल्मसले देशभर वितरण गर्नेछ।