काठमाडौं। अभिनेता सुशील श्रेष्ठ अभिनीत नेपाली चलचित्र ‘आउट ल: दफा २१९’को पोस्टर सार्वजनिक गरिएको छ। बिहीबार सार्वजनिक पोस्टरमा आगामी असोज ३ गतेलाई रिलिज मिति तोकिएको छ।
![](https://i0.wp.com/www.thuloparda.com/wp-content/uploads/2024/05/76666c0b-b282-438d-bcbe-0dc2ba5a7ec8-1.jpg?resize=512%2C768&ssl=1)
पोस्टरमा अभिनेता सुशील श्रेष्ठलाई मात्र स्थान दिइएको छ। उनी हालमा बन्दुक बोकेर उभिएका छन् भने ‘गनफायरिङ पोजिसन’मा समेत उनलाई देखाइएको छ। पोस्टरले यो चलचित्रमा बदलाको कथा रहेको अनुमान लगाउन सकिन्छ। यसमा नरेश पौडेल, शिक्षा सङ्ग्रौला, सुमन भण्डार, हेम गुरुङ, सोनी लागुन पनि प्रमुख अभिनय रहेको छ।
यो चलचित्रमा विक्की महर्जनको लेखन तथा निर्देशन रहेको छ।