मायाले छोडेर गएपछि रोएर बित्ने रातहरु (भिडियो हेर्नुहोस्)

ठुलोपर्दा डटकम, लण्डन। सँगै जिउने, सँगै मर्ने बाचा गरेकी मायालुले अर्कैसँग साईनो जोडेपछि को नै खुसी रहन सक्ला र ? यस्तै बिषयमा तयार बनेको ‘बैगुनी पो रै’छौ तिमी …’ बोलको गीतलाई भर्खर सार्वजनिक गरिएको छ। गत साता मात्र गायक रोहित राणाको ‘रियालिटी’ एल्वममा समावेश सो गीतको भिडियो छायांकन वेलायतको विभिन्न रमणीय स्थानहरुमा गरि सार्वजनिक गरिएको हो।

गायक स्वयंको शब्द र रवि श्रीको संगीत रहेको सो गीतको भिडियोमा प्रेम राणा, श्रद्धा खवास र दिपश कार्कीले अभिनय गरेका छन् भने भिडियोको छायांकन, सम्पादन एवं निर्देशन संचारकर्मी कुशल श्रेष्ठको रहेको छ। भिडियोमा सरल तरिकाले त्रिकोणात्मक प्रेमकथा देखाउन खोजिएको छ।
भिडियो हेर्नुहोस्: