![](https://i0.wp.com/www.thuloparda.com/wp-content/uploads/2024/02/image-10.png?resize=720%2C440&ssl=1)
काठमाडौं।
नेपाली चलचित्रकी सर्वाधिक चर्चित अभिनेत्री रेखा थापाले छोरीलाई जन्म दिएकी छन् । उनी शुक्रवार बिहान अमेरिकाको कोलोराडो सहरको एक अस्पतालमा पहिलो पटक आमा बनेकी हुन् ।
थापाले सामाजिक सञ्जालमा फोटो राख्दै छोरीको नाम वैभबी राज्यलक्ष्मी शाही ठकुरी राखेको जानकारी गराएकी छन् । फेसबुक पोस्टमा रेखाले लेखेकी छन्, ‘हेर आकाशमा कालो बादल वरिपरि चाँदिको घेरा छ, हेर धर्तीमा तिमी जन्मनुको महान् कारण छ ।’
२०७८ सालको माघ अन्तिममा रेखाले प्रेमी बलराम शाही ठकुरीसँग कानुनी विवाह गरेकी थिइन् ।
रेखाको चलचित्र ‘उपहार’ यही फागुन २५ गतेबाट प्रदर्शनमा आउँदै छ ।