काठमाडौं। शोभित बस्नेतले निर्देशन गरेको नेपाली चलचित्र ‘बद्री बहादुर’ आगामी चैत्र २३ गते रिलिज हुने भएको छ । ‘धेरै हाँस्न नसक्नेले यो फिल्म नहेर्नु होला’ लेखिएको पोस्टर सार्वजनिक गर्दै रिलिज मिति घोषणा गरिएको हो ।
यस चलचित्रमा अभिनेत्री पुजा शर्मा र अभिनेता सलोन बस्नेत विशेष भूमिकामा रहेका छन् । फिल्ममा जय किसन बस्नेत, छुल्ठिम गुरुङ, राजीव जङ्ग बस्नेत, धिरेन शाक्य र वर्षा चौलागाईँको अभिनय रहेको छ ।
रवि अधिकारी कार्यकारी निर्माता रहेको यो चलचित्र एबी पिक्चर्स फार्म र सलोन सलिना ब्यानरमा निर्माण भएको हो । यसका प्रस्तुत कर्ता विजय गोपाल दली हुन् भने निर्माता मिथुन भोटे रहेका छन् ।