![](https://i0.wp.com/www.thuloparda.com/wp-content/uploads/2024/02/5.jpg?resize=720%2C443&ssl=1)
काठमाडौं।
माघको २६ गते रिलिज हुने नेपाली चलचित्र ‘हात्तीछाप’को मङ्गलवार बेलुकी प्रिमियर गरिएको छ । प्रिमियरमा चलचित्रकर्मीसहित पत्रकार र चलचित्रका कलाकारहरूको उपस्थिति थियो ।
प्रिमियर हेरेका चलचित्रकर्मीहरूको प्रतिक्रियामा चलचित्रमा नेपालको एक ऐतिहासिक घटनालाई २ घण्टामा समेटेको विषयमा चर्चा भएको छ । यो चलचित्र सिमोस सुनुवारको निर्देशनमा प्रदीप भारद्वाजको कथा रहेको छ ।
चलचित्रले दयाहाङ राई र सौगात मल्लको आ–आफ्नो कथालाई भनेको छ । तर, यी दुईको कथाको मेल कहाँबाट कसरी हुन्छ, यसका लागि दर्शकले चलचित्र हेर्नुपर्ने हुन्छ ।
किरण नेपालीको प्रस्तुतिमा तयार भएको यो चलचित्रमा बिजय बराल, विल्सन विक्रम राई, पुष्कर गुरुङ, रेअर राई, सुष्मा निरौला, बुद्धि तामाङ लगायतका कलाकारको पनि अभिनय छ । यो फिल्मको अधिकांश हलमा बुकिङ समेत खुलिसकेको छ ।