![](https://i0.wp.com/www.thuloparda.com/wp-content/uploads/2024/01/Niti-Shah.jpg?resize=720%2C405&ssl=1)
काठमाडौँ।
‘मिस इन्टरनेशनल नेपाल २०१७’ विजेता निति शाहले अभिनय गर्ने भनिएका चलचित्रहरू‘हुतुतु’, ‘एक्स ९’, ‘कामिनो’ र ‘रावायण’ नबनेपछि उनी अब अर्को चलचित्रमा काम गर्ने भएकी छन् । अभिनेता महेश त्रिपाठीको अभिनय रहने चलचित्र ‘खजुरे ब्रो’बाट अब नीतिले डेब्यू गर्नेछिन् ।
दुई हप्ताअघि नै यस चलचित्र अनुबन्ध भएर उनी शुक्रवारबाट छायाङ्कनमा समेत जोडिइसकेकी छन् । चलचित्रमा नीतिको जोडी भने अभिनेता रेअर राईसँग बाँधिएको बुझिएको छ ।
‘षडङ्ग’ रिलिजको ९ वर्षपछि निर्देशनमा फर्किन लागेका सुरज सुनुवारको लेखन र निर्देशनमा बन्न लागेको चलचित्र काठमाडौँ र धरानसँगै इटहरी र भारतस्थित दार्जिलिङमा छायाङ्कन गरिने जनाइएको छ ।