काठमाडौँ।
नेपाली चलचित्रका अभिनेता प्रकाश पाठकको पार्थिव शरीरमा चलचित्र कलाकार सङ्घको झन्डा ओढाएर श्रद्धाञ्जली व्यक्त गरिएको छ । ७९ वर्षको उमेरमा मङ्गलवार निधन भएका उनको मङ्गलवार नै पशुपति आर्यघाटमा अन्त्येष्टि गरिएको छ ।
चलचित्र कलाकार सङ्घका अध्यक्ष मोहन निरौला, सल्लाहकार दिनेश डिसी, निवर्तमान अध्यक्ष रवीन्द्र खड्का, महासचिव सविन श्रेष्ठ लगायतले पशुपति आर्यघाटमा पुगी झन्डा अर्पण गरेका हुन् ।
क्यान्सर पीडित पाठकले मायालु, तिलहरी, गोपीकृष्ण, टुहुरो, बन्धन लगायतका चलचित्रहरूमा अभिनय गरेका थिए । उनका श्रीमती, एक छोरा र एक छोरी छन् ।