काठमाडौँ।
नेपाली ओटीटी प्लेटफर्म ‘कान्तिपुर सिनेमाज’मा ‘ब्रह्माण्ड’ शीर्षकको सिरिज स्ट्रिमीङ्ग सुरु भएको छ । टोपी स्टुडियोज पोखरा र कान्तिपुर फिल्म एकेडेमी काठमाडौँले निर्माण गरेको यो सिरिजमा पछिल्लो समय अभिनय कौशलताका कारण अत्यधिक रुचाइएका कलाकार अर्पण थापाको मुख्य भूमिका छ ।
ब्रह्माण्ड अर्पणको डेब्यु सिरिज हो । अर्पणसँगै सिरिजमा सुनिल थापा, निशा अधिकारी, भोलाराज सापकोटा, राजन खतिवडा, विशाल पहारी सुरज विष्ट लगायतको अभिनय रहेको छ भने सञ्जय ढुङ्गाना र सुप्रज्ञा शर्माले यस सिरिजबाट डेब्यु गर्दैछन् ।
ब्रह्माण्डलाई सिनेम्याटोग्राफर पुरुषोत्तम प्रधानले छायाङ्कन गरेका हुन भने यसका सम्पादक सुरेन्द्र पौडेल हुन् । सागरराज आचार्य र प्रकाश पुरीले मिलेर बनाएको यस सिरिजलाई रियाज नाटककारले लेखन तथा निर्देशन गरेका हुन् ।
यो सिरिज कान्तिपुर सिनेमाजको ओटीटी प्लेटफर्ममा मासिक २९९ रुपैयाँ तिरेर विश्व भरिबाट हेर्न मिल्छ ।