ऋचाको मायामा परेपछी के गरे मुकेशले ?

थुप्रै चलचित्रमा अभिनय गरेर पनि खासै जम्न नसकेका नायक मुकेश ढकाल यतिबेला प्रदर्शोन्मुख चलचित्र ‘माया गर ल’को सफलताको पर्खाइमा छन् । यो चलचित्रमा उनी कलेजको विद्यार्थीको रुपमा चुलबुले ठिटो बनेर देखिँदैछन् । यही बैशाख १९ बाट प्रदर्शनको तयारीमा रहेको यो चलचित्रमा मुकेशले नायिका ऋचासिंह ठकुरीसँग अनस्क्रिन रोमान्स गरेको पर्दामा देख्न सकिनेछ।

कलेज पढ्दापढ्दै प्रेममा परेका युवा युवतीहरुको कथालाई जोडेको यो चलचित्रलाई मदन घिमिरेले निर्देशन गरेका हुन् । चलचित्रमा ऋचा र मुकेशसँगै, भुपेन चन्द, सौजन्य सुब्बा लगायतका कलाकारहरुको अभिनय रहेको छ । यो चलचित्र रामकेशर बोगटीको लगानीमा तयार भएको हो । चलचित्रमा सुरेश अधिकारीको संगीत रहेको छ । ठुलोपर्दा डटकमसँग कुरा गर्दै निर्देशक घिमिरेले यो चलचित्र दर्शकको मनमा बस्नेमा आशा व्यक्त गरेका छन् ।