काठमाडौँ।
नेपाली एक्सन चलचित्र ‘दान्भी’को टिजर रिलिज भएको छ । नायिका पुजा शर्माको प्रमुख भूमिका रहेको यस चलचित्रमा उनी एक्सन अवतारमा छन् ।
बिहीबार काठमाडौँमा आयोजित पत्रकार सम्मेलनमा रुपेश तामाङको निर्देशनमा बनेको यस चलचित्रको टिजर सार्वजनिक गरिएको हो । सो कार्यक्रममा नायिका पुजा शर्मा र नायक कुन्साङ बोमजम उपस्थित थिए ।
जुना फिल्मस्को ब्यानरमा बनेको यस चलचित्रका निर्माताहरू देव मगर र अनुप गडाल हुन् । सह–निर्माता कमला लिम्बु, पन्च बहादुर तामाङ, श्रवण कुमार श्रेष्ठ र जीवन कुँवर हुन् । यसमा रविना थापा मगरको कथा, सन्जोग कुँवर रानाको पटकथा तथा संवाद, अर्जुन पोखरेल, नरेश जोशी र केदार राज नेपालीको सङ्गीत, हरि बहादुर घलेको डीओपी, बन्दे प्रसादको सम्पादन, श्री श्रेष्ठको एक्सन छ ।
यस चलचित्रको रिलिज मिति भने तय भएको छैन ।
टिजर हेर्नुहोस्: