काठमाडौँ।
निर्माणाधीन चलचित्र ‘कङ्गारु’मा अभिनेता अर्पण थापाले अभिनय गर्ने भएका छन् । मङ्गलवार भएको सम्झौता अनुसार यसका प्रमुख भूमिकामा मध्ये एकमा थापाले अभिनय गर्नेछन् ।
सम्राट बस्नेतले निर्देशन गर्ने यस चलचित्रमा केही दिन अघि हास्य कलाकार केदार घिमिरे ‘माग्ने बुढा’ अनुबन्ध भएका थिए ।
यो चलचित्र सस्पेन्स, थ्रीलर र कमेडी हुने बताइएको छ । फुलमुन मोसन पिक्चर्स र उत्तरगया म्युजिक एन्ड फिल्मसँग आस्याप इन्टरटेन्मेन्टको सहकार्यमा बन्ने यो चलचित्रका प्रस्तुत कर्ता राजीव गुरुङ हुन् भने निर्माताहरू प्रेम थापा, धन बहादुर गुरुङ र लक्ष्मी राई हुन् । सह–निर्मातामा रोनिश बहादुर बस्नेत हुन् ।
यसमा सीमा गुरुङको कथा तथा महेश दवाडीको पटकथा रहने छ ।