काठमाडौँ।
भारतीय सुपरस्टार प्रभास अभिनीत ‘बिग बजेट’ चलचित्र ‘सलार’को लागि नेपाली गायिका मेनुका पौडेलले गीत गाएकी छन् । आइतबार राती प्रसारित ‘इन्डियन आइडल’को शृङ्खलामा मेनुकाले यसको खुलासा गरेकी हुन् ।
यो अवसरलाई आफ्नो करियरको ‘टर्निङ प्वाइन्ट’ भएको बताउँदै मेनुकाले सो चलचित्रका सङ्गीतकार रवि बसरुरको सङ्गीतमा आफूले गीत गाएको बताइन् । पहिलो प्ले ब्याक गाएकी उनले यसमा पुरा मेहनत गरेको उनले जनाइन् ।
पछिल्लो समय ‘इन्डियन आइडल’मा प्रतिस्पर्धा गरिरहेकी पौडेलले भारतमा चर्चाकी पात्र बनिरहेकी छन् । मेनुकाले स्टेजमा यसबारेमा बताउँदै गर्दा सबै निर्णायक हर्ष विभोर भए । निर्णायक श्रेया घोषालले मेनुकालाई बधाई दिँदै ‘सलार’ जस्तो ठुलो प्रोजेक्टमा गाउन पाउनु खुसीको कुरा भएको बताइन् ।