काठमाडौँ।
भेनिस फिल्म फेस्टिभलमा वर्ल्ड प्रिमियर भएको नेपाली चलचित्र ‘द रेड सुटकेस’को जर्मनीको मानहायम हेडेलबर्ग फेस्टिभलमा प्रदर्शन गरिएको छ । यो फेस्टिभलको मुख्य प्रतिस्पर्धामा छनोट भएको यस चलचित्रको प्रदर्शन पश्चात् दर्शकमाझ प्रश्नोत्तर समेत भएको थियो ।
भेनिसमा मेन्सन अवार्ड जितेको यो चलचित्र स्वीट्जरल्याण्डको जुरिच फिल्म फेस्टिभलमा मनोनयनमा परेको थियो । फिडेल देवकोटा निर्देशित यस चलचित्रमा सौगात मल्ल, विपिन कार्की र सृष्टि श्रेष्ठको प्रमुख अभिनय रहेको छ ।
वैदेशिक रोजगारीको कथामा बनेको यो चलचित्र आइसफल प्रोडक्सनले निर्माण गरेको हो । नेपालमा प्रदर्शनको लागि यसको तयारी भइरहेको छ ।