‘दुई कदम’को गीतमा इओनसँग वर्षा

काठमाडौँ।
रिलिज मिति नजिकिँदै गर्दा नेपाली चलचित्र ‘दुई कदम’को गीत छायांकन गरिएको छ । मंसीर २९ गते रिलिज हुने यस चलचित्रमा रहने ‘ए मेरा बाबै नि’ शीर्षकको सो गीत काठमाडौँमा छायांकन गरिएको हो ।

यस गीतमा आशिष अबिरल र निरुषा भट्टराईको स्वर, निरुषाको शब्द र आशिषको संगीत छ । गीतमा चलचित्रका कलाकार इओन लिम्बु र अभिनेत्री वर्षा शिवाकोटी फिचर्ड छन् । वर्षा यस चलचित्रको सो गीतमा मात्र देखिनेछिन् । कोरियोग्राफर कविराज गहतराज हुन् भने छायांकार सौरभ लामा हुन् ।

उदय सुब्बा निर्देशित यस चलचित्रमा इओनको साथमा सुनिल थापा, कविता आले, सुरवीर पन्डित, प्रेम सुब्बा, गौरव पहारी, बुद्धि तामाङ, अर्जुन गुरुङ, विमला लिम्बु, जिवन लिम्बु, चन्दा दाहाल र प्रितिका शर्माको पनि अभिनय रहेको छ ।

अजम्बरी चलचित्रस्को व्यानरमा निर्माण भएको चलचित्रमा तारा देवी लिम्बुको लगानी रहेको छ । दयाराम घिमिरेको कथा तथा पटकथा लेखन, विक्रम डिसीको छायांकन, ताराप्रकाश लिम्बु र विकास चौधरीको संगीत, डिपी खनालको गीत लेखन, राजु किराँतीको द्वन्द्व निर्देशन, रामजी लामिछानेको कोरियोग्राफी र प्रविन ढकालको सम्पादन चलचित्रमा रहेको छ ।