काठमाडौँ।
गायक, सङ्गीतकार तथा शिक्षा सेवी अजय अधिकारी ‘सुशील’को बालबालिकाको चाहनामा समर्पित नयाँ गीत सार्वजनिक भएको छ । ‘मनको रहर मन मनैमा’ बोलको यस गीतमा अभिभावकले आफ्नो चाहना छोराछोरीमा लाद्ने प्रवृत्तिको अन्त्य गरी बालबालिकाको आफ्नो चाहना पनि बुझ्नुपर्दछ भन्ने सन्देशसहित यो गीतको अडियो तथा भिडियो तयार पारिएको छ ।
गीतमा प्रेम राई परीक्षितका शब्द छन् भने सङ्गीत र भिडियो निर्देशन अधिकारीले गरेका छन् । अर्नभ बनले स्वर दिएको यस गीतमा अभय अधिकारी, श्वेता तामाङ र दोर्जे शेर्पाले र्याप दिएका छन् । र्यापको शब्द रचना अजयले नै गरेका छन् ।
यसको भिडियोमा अर्नभ बन, सदिच्छा भुर्तेल, सुशील फुयाँल, अजय अधिकारी र लक्ष्मी खतिवडाले अभिनय गरेका छन् । विशेष भूमिकामा गायक तथा र्यापर निर्णय एनएसकेले पनि अभिनय गरेका छन् । भिडियोमा अशोक ठकुरी, सोनम वाइबा र अरुण तामाङले नृत्य गरेका छन् ।
भिडियो: