काठमाडौँ।
संयुक्त राज्य अमेरिकाका बाह्र वटा सहरहरूमा गायिका अस्मिता अधिकारी र गायक हर्कुलस बस्नेतले कन्सर्ट गर्ने भएका छन् । बडा दसैँ र तिहारको अवसरमा दश राज्यका बाह्र सहरमा साङ्गीतिक कार्यक्रम हुने भएको हो ।
ड्यालस, एक्रोन ओहायो , बोस्टन, न्यु योर्क, सानफ्रान्सिको, साक्रामेन्टो, सियाटल, कोलम्बस ओहायो, ह्यारिसवर्ग, बाल्टिमोर, एट्लेन्टा र भर्जिनियामा कार्यक्रम आयोजना हुने बताइएको छ । यही अक्टोबर २१ बाट सुरु हुने उक्त कार्यक्रम नोभेम्बर २५ मा सम्पन्न हुनेछ ।
कार्यक्रमको नाम भने फर्स्ट यु.एस.ए म्युजिकल यात्रा राखिएको छ । कार्यक्रमको लागी आफूहरू निकै उत्साहित रहेको हर्कुलस र अस्मिताले बताएका छन् ।