‘महागफाडी’मा १८ प्रतिस्पर्धी

काठमाडौँ।
टेलिभिजन रियालिटी शो ‘महागफाडी’को फिजिकल अडिसनबाट १८ प्रतिस्पर्धी छानिएका छन् । शो निर्देशक नरेश नाथ योगीका अनुसार डिजिटल अडिसनबाट छानिएका १०० प्रतिस्पर्धीको फिजिकल अडिसन गरिएको थियो ।

शुभम् सिंह भुमियार, अमरेन्द्र यादव, अनिल राई, दीपेश घिमिरे, हरि गजुरेल, हुकुम बाबु वली, कृष्ण भुर्तेल लक्ष्मण, पुजन नेपाल, रेशम सापकोटा, सञ्जीव भट्टराई, सरोज खतिवडा, शोभा लामिछाने, श्रीराम कँडेल, सन्तोष तिवारी, अर्जुन पोखरेल, दिल्ली राज अधिकारी, कर्मा लामा र निरोज त्वायाना अडिसनबाट छानिएका हुन् । यो शोको कुनै एक टेलिभिजनबाट टप १८ राउन्डको प्रसारण गरिने बताइएको छ ।

‘महागफाडी’का निर्देशक योगीले मनोरञ्जनका विविध विधामध्ये वाक कला पनि एक सशक्त कला भएको हुँदा बोलेर नै जीवनमा केही गर्छु भन्नेहरूका लागि महा गफाडी उपयोगी र नवीन प्लेटफर्म साबित हुने बताए ।

‘महागफाडी’को निर्णायकमा वरिष्ठ हास्यव्यङ्ग्य कवि शैलेन्द्र सिम्खडा, अभिनेत्री लुनिभा तुलाधर र अभिनेता बुद्धि तामाङ रहेका छन् । अभिनेता कामेश्वर चौरासियाले यो कार्यक्रमको सञ्चालन गर्नेछन् ।