काठमाडौँ।
एक दशक अगाडीको सुपरहिट लोक दोहोरी गीत ‘घाम जस्तो चम्किलो जुन हुँदैन’ नयाँ ‘भर्सन’मा सार्वजनिक भएको छ । डा. शिव सुवेदीको शब्द तथा सङ्गीतमा रहेको यस गीतलाई पुनः रेकर्डिङ तथा पुनः छायाङ्कन गरी अडियो र भिडियो एकसाथ सार्वजनिक गरिएको हो ।
तत्कालीन समयमा सर्वाधिक चर्चामा रहेको सो गीतको पुरानो ‘भर्सन’मा पुरुषोत्तम न्यौपाने र बिमा कुमारी दुराको स्वर रहेको थियो । नयाँमा भने कुशल बेलबासे र सुनिता बुढा क्षेत्रीको स्वर रहेको छ । गीतकार तथा सङ्गीतकार सुवेदीले यो गीतलाई आफ्नै युट्युब च्यानलमार्फत सार्वजनिक गरेका छन् । पुरानो गीतलाई तरेली सङ्गीत कुञ्जले बजारमा ल्याएको थियो ।
नयाँ भिडियोमा सनम कठायत र सरिता ढुङ्गानाले अभिनय गरेका छन् भने डिबि खड्काले निर्देशन र दीपक गिरीले छायाङ्कन गरेका छन् । पुरानो भिडियोमा सौरभ कार्की र शुभेच्छा थापाले अभिनय गरेका छन् भने प्रकाश भट्टले निर्देशन गरेका थिए भने दुर्गा पौडेलले छायाङ्कन गरेका थिए । भिडियो सम्पादक भने प्रवीण भट्ट दोहोरिएका छन् ।
भिडियो: