काठमाडौँ।
गायक कृष्ण विकले महानायक राजेश हमाल, अभिनेता दिलीप रायमाझी, अभनेत्रीद्वय केकी अधिकारी र नीता ढुङ्गानालाई अभिनय गराउँदै नयाँ गीत सार्वजनिक गरेका छन् । ‘रातो टिकी’ बोलको सो गीत मङ्गलवार काठमाडौँमा उपप्रधान तथा रक्षा मन्त्री पूर्णबहादुर खड्काको उपस्थितिमा सार्वजनिक गरिएको हो ।
गीतमा सुरेश अधिकारीको शब्द र सङ्गीत रहेको छ भने कृष्ण विक, मेलिना राई र रेखा जोशीले स्वर दिएका छन् । आकर्षक रूपमा तयार पारिएको यसको भिडियोका निर्देशक जिबि आग्री हुन् । कविराज गहतराजको कोरियोग्राफी रहेको छ भने गोपाल रायको छायाङ्कन, विपिन मल्लको सम्पादन, मनोज श्रेष्ठको भिएफएक्स र कलर करेक्सन रेनिश फागोको रहेको छ ।
भिडियोले एकल महिलाको चाहनाको पक्षलाई उठान गरिएको छ ।
भिडियो: