छायाङ्कनमा मायावी

काठमाडौँ।
चलचित्र ‘मायावी’को छायाङ्कन सुरु भएको छ । केही दिन अघि मुस्ताङ पुगेको निमार्ण टिमले सम्पूर्ण कलाकारहरूको उपस्थिति भएसँगै मुस्ताङको निलगिरी हिमाल क्षेत्रबाट छायाङ्कन सुरु गरेको हो ।

यसको छायाङ्कन अवधि ३५ दिनको रहेको छ । यस चलचित्रमा पल शाह, दीपिका प्रसाईँ, सुशील सिटौला, मोडल समिम खान, करिश्मा श्रेष्ठ, प्रशान्त ताम्राकार र राजाराम पौडेलको प्रमुख भूमिका रहनेछ ।

यस चलचित्रका लेखक दिवाकर नै हुन् । राजु थापाको डिओपी रहने फिल्ममा एसडी योगीको सङ्गीत, राम अविरल विष्टको गीत छ । निर्माताहरू चन्द्र पन्त र राज कटुवाल हुन् ।