समुद्र किनारमा देखिए शिवम र पुजना (फोटो फिचर)

ठुलोपर्दा डटकम, मुम्बई। केहि महिना अघि वलिउड स्टार रणविर कपुर र कैटरिना कैफको समुद्र किनारमा मस्ति गरेको तस्विर अहिले सम्म चर्चा पाईरहेको छ। यतिबेला नेपाली चलचित्रका नायक तथा नायिका शिवम पोखरेल र पुजना प्रधान पनि समुद्रको किनारमा रमाईरहेका छन्।

रणविर र कैटरिनाको जस्तो रोमाञ्स गर्न भने शिवम र पुजना समुद्र पुगेका होइनन्। मुम्बई र चेन्नईमा भएका कार्यक्रममा सहभागिता जनाउन यहाँ आएका बेला उनिहरु घुमघाममा व्यस्त छन्। नायिका पुजना प्रधान एक महिना यता मुम्बई छिन्। शिवम पनि झण्डै एक महिना अगाडी यहाँ छन्।

कार्यक्रम सकेर उनिहरुले भारत बिभिन्न स्थानहरु घुम्ने इच्छा पुरा गरेका छन्। शिवम प्राय: म्युजिक भिडियोका अभिनेता हुन्। उनले चलचित्रमा पनि आफ्नो स्थान बनाउने प्रयासमा छन्। पुजनाको नेपाली चलचित्रमा पहिले जस्तो डिमाण्ड नभएता पनि उनका फाट्टफुट्ट चलचित्र भने आईरहेका छन्।

महिनादिन अघि एक कार्यक्रममा सहभागिता जनाउन यहाँ आएकी प्रधानको त्यसताकाको भित्री वस्त्र समेत देखिएको नृत्यले चर्चा र आलोचनाको पात्र बनेकी थिईन्। हाल पुजना मुम्बईको मीरारोड नजिकै दाजु-भाउजुको साथमा बस्दै आएको बताईन्छ।